Երեւանի ճանապարհային ոստիկանության 1-ին գումարտակի 3-րդ վաշտի 2-րդ դասակի եւ ոստիկանության պարեկապահակային ծառայության գնդի 3-րդ հատուկ գումարտակի 2-րդ վաշտի 2-րդ դասակի ոստիկանները  հունվարի 28-ին, ժամը 18.30-ին, Խորենացի 24 շենքի մոտից կողոպուտ կատարելու կասկածանքով Կենտրոնականի բաժին բերման են ենթարկել մի երիտասարդի:

Ինչպես NEWS.am-ին հայտնում է ֆոտոլրագրող Գագիկ Շամշյանը, երիտասարդը Բագրատունյաց 22 շենքի բնակիչ, 22-ամյա Ռաֆիկ Մեսրոպի Մելքոնյանն է:

Վերջինս ժամը 18-ի սահմաններում Ագաթանգեղոսի փողոցի թիվ 7 շենքի դիմաց բացահայտ պոկել եւ հափշտակել է 56-ամյա անհատ ձեռներեց, Տիգրան Մեծ փողոցի բնակիչ Նաթելլա Աղասու Գրիգորյանի պարանոցի ոսկե շղթան՝ խաչով, ու դիմել փախուստի:

Տուժողը իր նկատմամբ կատարված կողոպուտի մասին անմիջապես հայտնել է նշված հատվածում ծառայություն կատարող ճանապարհային ոստիկանության աշխատակիցներին: Վերջիններս հետապնդել եւ բռնել են Ռաֆիկ Մելքոնյանին, ում մոտից հայտնաբերվել է գողոնը:

Ոստիկանության քննչական գլխավոր վարչության Կենտրոնականի քննչական բաժնում հարուցվել է քրեական գործ ՀՀ քր.օր-ի 176 հոդվածի (Կողոպուտ) հատկանիշներով: Կողոպտիչը տեղափոխվել է ոստիկանության Երեւանի ձերբակալվածների պահման վայր:

Լուսանկարները` Գագիկ Շամշյանի