Իրանի նավթի նախարար Մասուդ Միրքազեմին եւ Հայաստանի էներգետիկայի եւ բնական պաշարների նախարար Արմեն Մովսիսյանը Թեհրանում ձեռք են բերել նավթամթերքների խողովակաշար կառուցելու համաձայնություն: Խողովակաշարը սկիզբ կառնի Թավրիզից: Իրանական նավթամթերքների արտահանման ծավալներն ու գինը կհամաձայնեցվեն առաջիկայում, հաղորդում է Press TV-ն:
Մովսիսյանը նաեւ հանդիպում է ունեցել Իրանի ԱԳՆ ղեկավար Ալի Աքբար Սալեհիի հետ եւ քննարկել է Հայաստան - Իրան երկաթուղու շինարարության հարցերը:
«Իրանն ու Հայաստանը որեւէ քաղաքական խնդիր չունեն, ինչը լավ հիմք է ստեղծում կապերի ընդլայնման համար», - հայ նախարարին մեջբերում է Tehran times-ը: