Երեկ` փետրվարի 8-ին Մոսկվայում մեկնարկել է շախմատի «Աերոֆլոտ-օփեն» բաց փառատոնի հոբելյանական` 10-րդ մրցաշարը: Մրցաշարին Հայաստանից մասնակցում են գրոսմայստերներ Սերգեյ Մովսեսյանը, Տիգրան Լ. Պետրոսյանը, Ավետիք Գրիգորյանը, ինչպես նաեւ բրազիլահայ Գրիգոր-Սեւակ Մխիթարյանը:
1-ին տուրում Սերգեյ Մովսեսյանը, Ավետիք Գրիգորյանը եւ Գրիգոր-Սեւակ Մխիթարյանը ոչ-ոքի խաղացին, իսկ Տիգրան Պետրոսյանը հաղթեց ռուսաստանցի Նիկիտա Վիտյուգովին:
Նշենք, որ մրցաշարի հաղթողը կստանա 20 հազար եվրո պարգեւավճար եւ ձեռք կբերի այս տարի Դորտմունդում կայանալիք սուպերմրցաշարի ուղեգիր:
