Վատիկանը թույլ չի տվել մեղքերի թողություն իրականացնել iPhone-ի միջոցով։ Կաթոլիկ եկեղեցու ներկայացուցիչ Ֆեդերիկո Լոմբարդին նշել է, որ կրոնական այդ արարողության ժամանակ հավատացյալի ներկայությունը պարտադիր է։
«Ոչ մի տեխնոլոգիա չի կարող փոխարինել դրան»,- հայտարարել է նա։
Ավելի վաղ ամերիկյան մամուլում տեղեկություն էր հայտնվել, որ iPhone-ին կից «Մեղքերի թողություն» բաժինը ստացել է կաթոլիկ եկեղեցու օրհնությունը։ Ամերիկացի հոգեւորականը հավանության էր արժանացրել հավատացյալների կողմից iPhone-ին կից «Մեղքերի թողություն» բաժնի օգտագործումը։