ԵԱՀԿ-ի Մինսկի խմբի համանախագահները Ստեփանակերտ չեն այցելի: Այդ մասին «Ազատություն» ռադիոկայանին հայտնել է Լեռնային Ղարաբաղի նախագահի մամուլի քարտուղար Դավիթ Բաբայանը` որպես պատճառ նշելով եղանակային վատ պայմանները:
Ինչպես ավելի վաղ հայտնել էր NEWS.am-ը, Ղարաբաղի հարցով միջնորդները պետք է Ստեփանակերտ մեկնեին փետրվարի 9-ին Հայաստանի նախագահի եւ ԱԳ նախարարի հետ հանդիպումից հետո:
Փետրվարի 10-ին Մինսկի խմբի համանախագահներ Ռոբերտ Բրադկեն (ԱՄՆ), Իգոր Պոպովը (Ռուսաստան) եւ Բեռնար Ֆասիեն (Ֆրանսիա) ժամանել են Ադրբեջան: