ԱՄՆ նոր դեսպան Մեթյու Բրայզայի ժամանումը Բաքու ԱՄՆ քաղաքականությունը կուժեղացնի ոչ միայն Հարավային Կովկասում, այլեւ հետխորհրդային տարածքում։ «Գոլոս Ռոսիի»-ին տված հարցազրույցում այս մասին հայտարարել է Ռազմավարական մշակույթի ռուսական հիմնադրամի փոխնախագահ Անդրեյ Արեշեւը։
Նրա խոսքով, Բրայզան լավ կապեր ունի Ադրբեջանի եւ Թուրքիայի իշխանական շրջանակներում։ «Բրայզան, ինչպես հայտնի է, ԵԱՀԿ Մինսկի խմբի համանախագահ է եղել, ինչը նրան ոչ միայն Ադրբեջանի, այլեւ Կովկասի այլ պետությունների ներքաղաքական կյանքի վրա ազդելու լուրջ լծակներ է ընձեռում»,- հայտարարել է քաղաքագետը։
Նա նշել է, որ Բրայզայի նշանակումը վկայում է Ադրբեջանում եւ Հարավային Կովկասում ԱՄՆ քաղաքականության ուժեղացման մասին։ «Ինչպես հայտնի է, ի դեմս Մարի Յովանովիչի՝ ԱՄՆ-ն բավական ուժեղ դեսպան ունի նաեւ Հայաստանում»,- նշել է Արեշեւը։
