Թերթը գրում է, որ մտահոգիչ լուրեր են ստացվում մեր հյուսիսային հարեւան Վրաստանից։
Թերթի հավաստի տեղեկություններով, նրա հարավային՝ ադբեջանաբնակ շրջաններում հայտնվել են Բաքվից ուղարկված՝ գաղտնի զորահավաք իրականացնող հատուկ էմիսարներ։ Շրջելով Վրաստանի Մառնեուլի, Գարդաբանիի եւ այլ շրջաններում՝ նրանք խոշոր գումարներով հավաքագրում են տեղի ադրբեջանցիներին Ղարաբաղում ռազմական գործողություններին մասնակցելու համար։
Թերեւս առաջիկայում հարկ կլինի պարզել, թե ինչպե՞ս է նայում Վրաստանի ղեկավարությունը իր երկրի տարածքում մեկ այլ պետության կողմից կազմակերպվող այս «ընդհատակյա», բայց արդեն բացահայտ դարձած զորահավաքին։