Մայր Աթոռ Սուրբ Էջմիածնում այսօր՝ փետրվարի 17-ին, Գարեգին Բ-ն Չինաստանի ԱԳ նախարար Յան Ձիեչիի հետ քննարկել է մշակութային եւ տնտեսական գործակցության խնդիրները:
Մայր Աթոռից NEWS.am-ին հայտնում են, որ Գարեգին Բ-ն խոսել է հայ եւ չին ժողովուրդների պատմական կապերի մասին` կարեւոր նկատելով ներկայիս ժամանակներում ժողովուրդների բարեկամության ամրապնդումը եւ հետեւողական զարգացումը համընդհանուր մարտահրավերների հաղթահարման համար:
Հանդիպման ընթացքում անդրադարձ է եղել նաեւ Հայոց Ցեղասպանության ճանաչման ու դատապարտման անհրաժեշտությանը, ինչը կկանխի նման ոճրագործության կրկնությունը ապագայում: Կարեւորվել է նաեւ Լեռնային Ղարաբաղի հակամարտության կարգավորման հարցը խաղաղ ճանապարհով:
