Վաշինգտոնը Վրաստանում եւ Ռուսաստանում 2012 եւ 2013 թվականներին կայանալիք ընտրություններում էական փոփոխություններ չի ակնկալում: Այս ամենը ներկայացված է ԱՄՆ-ի հատուկ ծառայությունների կողմից գլոբալ վտանգների եւ դրանց հետեւանքների վերաբերյալ պատրաստած հաշվետվության մեջ, գրում է վրացական Journalist.ge գործակալությունը:
«Կովկասը եւ կենտրոնական Ասիան» վերնագրով փաստաթղթում նշված է, որ թեեւ Սահակաշվիլին չի բացահայտում իր ապագա ծրագրերը, սակայն նրա կողմից ընդունած նոր Սահմանադրությունը ձեռնտու է իրեն: Չէ, որ նոր Սահմանադրությունը Սահակաշվիլին նախագահական ժամկետը լրանալուց հետո թույլ է տալիս մնալ քաղաքականության մեջ՝ վարչապետի պաշտոնում:
Ըստ փաստաթղթի, Վրաստանի եւ Ռուսաստանի միջեւ լարվածությունը էլ ավելի է ուժգնանալու: