Չկարգավորված հակամարտությունները Կովկասում եւ Միջին Ասիայում պայթյունի առավել հնարավոր օջախներ են եվրասիական տարածաշրջանում, հայտարարել է ազգային հետախուզության ծառայության տնօրեն Ջեյմս Քլեփփերը` ելույթ ունենալով Ներկայացուցիչների պալատի հետախուզության կոմիտեի լսումներում, որոնց ընթացքում քննարկվել է սպառնալիքի ամենամյա սպառնալիքը:
Քլեփփերը, մասնավորապես, նկատել է, որ սառեցված ղարաբաղյան հակամարտությունը եւս պայթյունի պոտենցիալ օջախ է:
Նրա խոսքով, Ադրբեջանի իշխանությունները բավարարված են հայ-թուրքական հարաբերությունների սառեցման գործընթացով, իսկ Իլհամ Ալիեւը ձգտում է Արեւմուտքի ուշադրությունը հրավիրել Ադրբեջանի շահերի վրա՝ Հայաստանի հաշվին: «Երկու կողմերի ապակառուցողական դիրքորոշումը, նաեւ հրադադարի ռեժիմի խախտումների հաճախակի դարձած դեպքերը մեծացրել են իրավիճակի էսկալացիայի վտանգը»,- նշել է պաշտոնյան:
