Թեեւ Գյումրիում մեկ տասնյակից ավելի բարեգործական ճաշարաններ կան, սակայն դրանց թիվը վերջին շրջանում նվազել է: Պատճառը շահառուների թվի նվազումը չէ, այլ առկա ֆինանսական խնդիրները: «Առաքելություն Հայաստան» ՀԿ-ի բարեգործական ճաշարաններից 2-ն այսօր չեն գործում:
Դեռ 2001թ-ից Գյումրում գործում էին այս ընկերության 3 ճաշարաններ, իսկ շահառուներերի թիվն անցնում էր 200-ը: «Այսօր 2 ճաշարանները փակել ենք, մնացել է մեկը, իսկ օգտվում է 75 շահառու»,- ասում է ճաշարանի տնօրեն Գայանե Խեբյանը: Պատճառը, ըստ տնօրենի, ֆինանսական խնդիրներն են: Արտասահմանյան կազմակերպությունները հրաժարվում են ֆինանսավորել, իսկ պետությունն ի վիճակի չէ 3 ճաշարան պահել: Եղել են նաեւ աշխատավարձերի եւ կադրերի կրճատումներ: