Համաձայն Հայաստանի գործարար շրջանակներին մոտ կանգնած աղբյուրների՝ «STAR» առեւտրային ցանցի նոր սեփականատերեր են դարձել «AG-գրուպ» ընկերության սեփականատերերը։

«AG-գրուպ» ընկերության կազմի մեջ են մտնում ինչպես էլեկտրոնիկայի, այնպես էլ կենցաղային ապրանքների ցանցային խանութներ, «Արզնի» հանքային  ջրի արտադրությունը:

Նշենք, որ «STAR» առեւտրային ցանցի նոր բաժնետերը կդառնա Viest Assets Ltd-ն, որը գրանցված է Բրիտանիայի Վիրջինյան կղզիներում։ Բանկցությունները «STAR»-ի ներկայիս տերերի հետ արդեն ավարտվել են, իսկ փաստաբանական ձեւակերպումներն ընթացքի մեջ են։ Նոր սեփականատերը մոտակա երեք ամիսների ընթացքում պարտավորվել է 5-10 մլն դրամի ներդրումներ կատարել։

Ներկայումս գործում են «STAR»-ի 17 խանութներ։ «STAR»-ի 28,3 տոկոսը մինչ այժմ պատկանում էր Վերակառուցման եւ զարգացման եվրոպական բանկին, 71,7 տոկոսը՝ ձեռնարկատեր Հենրիխ Զախարյանցին։