Հայ ազգային կոնգրեսի այսօրվա՝ մարտի 1-ի հանրահավաքում մի մարդ իրեն վատ է զգացել եւ տապալվել գետնին: NEWS.am-ի թղթակցի ֆոտոխցիկը ֆիքսել է գետնին ընկած տղամարդուն, ում ճակատից արյուն էր հոսում:

Հանրահավաքի մասնակիցները փորձել են ուշքի բերել տղամարդուն, այնուհետեւ նրան տեղափոխել են հիվանդանոց:

Ինչպես NEWS.am-ը տեղեկացավ «Շտապօգնության» ծառայությունից, տղամարդուն տեղափոխել են Երեւանի թիվ 1 հիվանդանոց: Այս ժամին թիվ 1 հիվանդանոցից որեւէ մեկնաբանություն ստանալ չհաջողվեց, կապված հիվանդանոց տեղափոխված տղամարդու վիճակի հետ:

Լուսանկարը՝ Արսեն Սարգսյանի