Ալկոհոլային ինտոքսիկացիա ախտորոշմամբ այսօր՝ մարտի 1-ին ժամը 18:45-ի սահմաններում շտապօգնության թիվ 1 համալսարանական կլինիկա է տեղափոխվել Երեւանի բնակիչ 53-ամյա Խաչատուր Գրիգորյանը: Այս մասին NEWS.am-ի թղթակցին հայտնեց հիվանդանոցի հերթապահ բժիշկը: Նրան առաջին բուժօգնություն է ցուցաբերվել, որից հետո ժամը 21:00-ին նա տուն է գնացել:
Ավելի վաղ NEWS.am-ը հայտնել էր, որ Հայ ազգային կոնգրեսի այսօրվա՝ մարտի 1-ի հանրահավաքում մի մարդ իրեն վատ է զգացել եւ տապալվել գետնին: NEWS.am-ի թղթակցի ֆոտոխցիկը ֆիքսել է գետնին ընկած տղամարդուն, ում ճակատից արյուն էր հոսում: Հանրահավաքի մասնակիցները փորձել են ուշքի բերել տղամարդուն, այնուհետեւ տեղափոխել են թիվ 1 համալսարանական հիվանդանոց:
Լուսանկարը՝ Արսեն Սարգսյանի