Հայ առաքելական եկեղեցին մարտի 3-ին նշում է Սուրբ Վարդանանց տոնը` ի հիշատակ Ավարայրի ճակատամարտում ընկած հայ զինվորների:
Ավարայրի ճակատամարտը տեղի է ունեցել 451թ. Ավարայրի դաշտում` Սասանյան Պարսկաստանի դեմ ապստամբած հայերի եւ նրանց բազմակի գերազանցող պարսկական բանակի միջեւ:
Հայաստանի համար ահռելի նշանակություն ունեցող ճակատամարտում սպարապետ Վարդան Մամիկոնյանն ընկավ քաջի մահով:
Սուրբ Վարդանանց տոնին հայկական եկեղեցիներում պատարագ են մատուցում: