Հայաստանի, Ռուսաստանի եւ Ադրբեջանի նախագահների` մարտի 5-ին Սոչիում կայանալիք հանդիպմանը, որտեղ քննարկվելու է ղարաբաղյան հարցը, որեւէ առաջընթաց ակնկալել պետք չէ: Այդ մասին Ազգային Ժողովում կայացած ճեպազրույցում հայտարարել է ՀՅԴ խմբակցության ղեկավար Վահան Հովհաննիսյանը:
Նա ընդգծել է, թե քանի դեռ Երեւանը բանակցային սեղանի շուրջ չի ասել իր վճռական խոսքը, թե Ստեփանակերտը պետք է անմիջականորեն մասնակցի բանակցություններին, որեւէ առաջընթաց ակնկալել պետք չէ: «Քանի դեռ Լեռնային Ղարաբաղը բանակցային կողմ չի դառել, Ալիեւ-Սարգսյան յուրաքանչյուր հանդիպում լինելու է հերթական եւ ոչինչ չորոշող»,- նկատել է Հովհաննիսյանը` ընդգծելով, թե պատրանքներ չի տածում ղարաբաղյան հակամարտության կարգավորման վերաբերյալ: