«Երկու օր առաջ «Կոշ» ՔԿՀ-ի ամառային տաղավարներից մեկում հայտնաբերվել էր դատապարտյալ, 1991թ. ծնված Նարեկ Սարիբեկյանի դին՝ կախված վիճակում։ ԱՆ ՔԿՎ հասարակայնության հետ կապերի վարչության տարածած հաղորդագրության համաձայն՝ Նարեկը պատիժը կրում էր 2010 թ. հունվարի 13– ից եւ համաձայն դատավճռի՝ տառապում էր հոգեկան հիսթերիկ խանգարում հիվանդությամբ։ Դեպքի առթիվ հարուցվել է քրեական գործ, կատարվում է նախաքննություն։
Մեր աղբյուրների փոխանցմամբ՝ բանտարկյալների շրջանում կասկած չկա, որ բանտային 2 տարիների ընթացքում թմրամոլ դարձած Նարեկը ինքնասպան է եղել։ Վերջին մի քանի ամիսներին սա «Կոշ»–ում արձանագրված ինքնասպանության երկրորդ դեպքն է։ Պատճառներից մեկը, թերեւս, «Կոշ»– ում տիրող տոքսիկոմանիան է»,-գրում է թերթը եւ խոստանում մանրանասներ հաղորդել հաջորդիվ: