Վրաստանը թուրքական «Թուրքմոլ» կազմակերպության հետ 120 միլիոն դոլար արժողությամբ պայմանագիր է ստորագրել` մայրաքաղաք Թբիլիսիում առեւտրի կենտրոն կառուցելու վերաբերյալ: «Պիրվելի» գործակալության փոխանցմամբ, փաստաթուղթը ստորագրվել է ֆրանսիական Կանն քաղաքում, անշարժ գույքի միջազգային ցուցահանդեսի ժամանակ:
Վրաստանի տնտեսության եւ կայուն զարգացման նախարար Վերա Կոբելիայի հայտարարությամբ, ըստ պայմանագրի, երկու տարվա ընթացքում Վրաստանի մայրաքաղաքի մետրոյի «Դելիսի» կայարանի հարակից տարածքում պետք է կառուցվի առեւտրի կենտրոն:
Թբիլիսիի քաղաքապետ Գիգի Ուգուլավան նշել է, որ ցուցահանդեսին մասնակցելու նպատակը նոր ներդրողներին գտնել եւ հրապուրելն էր, եւ հավաստիացրել է, թե Վրաստանի նկատմամբ ներդրողների հետաքրքրությունը մեծացել է: