Ավստրիան կոչ է անում Հայաստանին եւ Ադրբեջանին կրկնապատկել իրենց ջանքերը` բանակցությունների միջոցով հակամարտության կարգավորման ուղիներ գտնելու համար եւ պատրաստ է աջակցել այդ ջանքերին: Այդ մասին «Սեւծովյան եւ Կովկասյան տարածաշրջաններում Ավստրիայի արտաքին քաղաքականությունը» թեմայով իր ամենամյա դասախոսությանը ասել է Ավստրիայի ԱԳ նախարար Միխայել Շպինդելեգերը:
Ինչպես NEWS.am-ին հայտնել են Ավստրիայի արտգործնախարարությունից, Շպինդելեգերը ընդգծել է, որ հակամարտության երկու կողմերը պետք է շարունակեն ջանքերը ԵԱՀԿ Մինսկի խմբի շրջանակներում եւ աշխատեն վստահության ու անվտանգության ուղղությամբ: Նրա խոսքով, Ավստրիան իր մշտական շփումներում ընդգծում է հակամարտության խաղաղ կարգավորման անհրաժեշտությունը: