Վրաստանի ԱԳ նախարար Գրիգոլ Վաշաձեն իր ռուսաստանցի գործընկերոջը` Սերգեյ Լավրովին մեղադրել է Բեռնում ԱՀԿ-ին Ռուսաստանի անդամակցության բանակցությունների ընթացքում ձեռքբերված պայմանավորվածությունները խախտելու մեջ:
Ինչպես Վաշաձեն նշել է Թբիլիսիում ԵԱՀԿ գործող նախագահ Աուդրոնյուս Աժուբալիսի հետ համատեղ ասուլիսում, բանակցությունների ընթացքում որոշվել է շարունակել բանակցությունները, եւ կողմերը պայմանավորվել չմեկնաբանել հանդիպման արդյունքները մամուլում:
«Լավրովն իր կողմից խախտել է այդ համաձայնագիրը եւ մի քանի օր անց նախապայմաններ է առաջ քաշել` սպառնալով Վրաստանին»,- նշել է Վաշաձեն եւ ափսոսանքով ընդգծել, որ Լավրովի վարքը ռուսական դիվանագիտության ավանդույթների շարունակությունն է:
Նշենք, որ Սերգեյ Լավրովը հայտարարել էր, թե ՌԴ-ն կարող է անդամակցել Առեւտրի համաշխարհային կազմակերպությանը առանց Վրաստանի համաձայնության: Վրաստանը միակն է, որ վետո է դնում Ռուսաստանի անդամակցության վրա: