Հայկական «Ջերմուկ Գրուպ» ընկերությունը գնել է «Պեպսիի» վրացական արտադրությունը: Այդ մասին, վկայակոչելով սեփական աղբյուրները, հաղորդում է «Կոմերսանտ» ռադիոն:
Բայց առայժմ հայտնի չէ` արդյոք ինքնուրո՞ւյն է գնել, թե դուստր կամ օֆֆշորային ընկերության միջոցով: «Պեպսիի» վրացական ներկայացուցչությունում կտրականապես հերքում են ընկերության բաժնետոմսերը «Ջերմուկ գրուպին» վաճառելու տեղեկությունը:
Նշենք, որ «Ջերմուկ» գրուպը» «Պեպսիի» բացառիկ ներկրողն է Հայաստան: Նա նաեւ ներկրում է «Բալտիկա» եւ «Բավարիա» ընկերությունների արտադրանքը:
«Ջերմուկ գրուպը» հիմնվել է 1999թ., ընկերությունը զբաղվում է հանքային եւ խմելու ջրի արտադրությամբ: