Փաստաթղթային ձեւակերպումներ կատարելու նպատակով մարտի 17-ի կեսօրին Ճանապարհային ոստիկանություն է դիմել 36-ամյա Արամ Գ.-ն, սակայն ստուգումների արդյունքում պարզվել է, որ նա ՌԴ Մոսկվա քաղաքի Դաշնային անվտանգության ծառայության կողմից հետախուզվում է ակնհայտ կեղծ փաստաթուղթ օգտագործելու մեղադրանքով:
Ոստիկանության մամուլի ծառայությունից NEWS.am-ին հայտնում են, որ Արամ Գ.-ն բերման է ենթարկվել ոստիկանության Վաղարշապատի բաժին:
Հետախուզվողի հայտնաբերման մասին տեղյակ է պահվել հետախուզումը նախաձեռնողին:
Բացի այդ, մարտի 17-ի երեկոյան ոստիկանության Մեծամորի բաժնի ծառայողները Մեծամոր քաղաքի մի շենքի մոտից բերման են ենթարկել նախկինում դատապարտված, 23-ամյա Արթուր Դ.-ին, որը 2007 թ. նոյեմբերի 18-ից Ուկրանիայի Հանրապետության Կիեւ քաղաքի ՆԳԳ վարչության Գոլոսենվսկի ՆԳ բաժնի կողմից հետախուզվում էր կողոպուտի մեղադրանքով:
Խափանման միջոցը` կալանք:
Հայտնաբերման մասին տեղյակ է պահվել հետախուզումը նախաձեռնողին:
