Թուրքիայում կալանավորվել եւ Ադրբեջան է ուղարկվել Վրաստանի քաղաքացի Ռաինա Ահմեդովան, ով հետախուզման մեջ է դիտավորյալ սպանություն կատարելու համար: Նա մեղադրվում է 8 տարի առաջ Ադրբեջանում երկու մարդու սպանելու մեջ, հաղորդում է APA-ն:
Սպանությունը կատարվել է 2003 թվականի ապրիլի 2-ին: Վրաստանի քաղաքացիներ Ռամին Ասքերովը եւ նրա 54-ամյա մայրը՝ Գյոյչեք Ասքերովան սպանվել են Բաքվում: Ոստիկանների օպերատիվ հետաքննչական գործողությունների արդյունքում պարզվել է, որ սպանությունը կատարել է Վրաստանի Բոլնիսի շրջանի բնակիչ 49-ամյա Նազիմ Աջալովը եւ նրա կինը՝ Թբիլիսիի բնակիչ, 38-ամյա Ռաինա Ահմեդովան: Անջալովը ազատազրկման է դատապարտվել 2009-ին, իսկ ահա Ահմեդովան թաքնվում էր Թուրքիայում: