Այս տարվա հունիս ամսվա սկզբին Ամենայն հայոց կաթողիկոս Գարեգին Բ-ն հովվապետական եւ միջեկեղեցական այցով կմեկնի Վրաստան։
NEWS.am-ի թղթակցի հետ զրույցում այս մասին հայտարարեց Մայր Աթոռ Ս. Էջմիածնի տեղեկատվական համակարգի տնօրեն տեր Վահրամ Մելիքյանը:
Նրա խոսքով, այցի առաջին՝ հովվապետական մասը, կվերաբերի վիրահայոց թեմին, երկրորդ՝ միջեկեղեցական մասը՝ վրաց եկեղեցուն։ «Ընդ որում, վրաց եկեղեցու առաջնորդ Իլյա 2-րդի հետ կքննարկվեն հայ համայնքին եւ հայ առաքելական եկեղեցուն հուզող մի շարք օրակարգային հարցեր, այդ թվում՝ վիրահայոց թեմի կարգավիճակի հարցը»,- պարզաբանեց Մայր Աթոռ Ս. Էջմիածնի տեղեկատվական համակարգի տնօրենը: