Հայաստանի կառավարությունը մարտի 24-ին հաստատել է Խաչատուր Աբովյանի անվան մանկավարժական պետական համալսարանի ռեկտորի ընտրությունների արդյունքները:
Փետրվարի 24-ին մանկավարժական համալսարանի խորհրդի նիստում քննարկվել էր ռեկտորի ընտրության հարցը: Նիստը վարել է Տիգրան Սարգսյանը, ով խորհրդի նախագահն էր:
Ռեկտորի պաշտոնում առաջադրվել էր մեկ թեկնածություն` Ռուբեն Միզախանյանը, ով էլ ընտրվել էր ռեկտոր:
Համալսարանի նախկին ռեկտոր Արտյուշա Ղուկասյանը հրաժարական էր տվել առողջական խնդիրների պատճառով: