Հայոց ցեղասպանության հուշարձանի վայրը ցույց տվող նշաններ են տեղադրվել Մոնտեբելոյի (Կալիֆոռնիա, ԱՄՆ) 60-րդ մայրուղու վրա, հաղորդում է «Ասպարեզը»:
Կալիֆոռնիայում ապրիլի 1-ին պաշտոնապես տեղի կունենա նշանների բացման արարողությունը, որից հետո Մոնտեբելոյի Բիկնել պարկում Հայոց ցեղասպանության նահատակների հիշատակին նվիրված հուշարձանի մոտ կկատարվի ընդունելություն: Հուշարձանը պատմական տեսարժան վայր կդառնա 2015թ-ին` ցեղասպանության 100-րդ տարելիցին:
Նշենք, որ հուշարձանը կանգնեցվել է 1968 թ-ին` Հայոց ցեղասպանության նահատակների եւ մարդկության նկատմամբ կատարված բոլոր հանցագործությունների զոհերի հիշատակին: