Աշխատանքային այցով Երեւանում գտնվող Կրասնոդարի քաղաքապետարանի պատվիրակությունը` փոխքաղաքապետ Վիկտոր Բոնդարի գլխավորությամբ, այսօր` մարտի 25-ին հանդիպել է Երեւանի քաղաքապետ Կարեն Կարապետյանի հետ եւ ներկայացրել քաղաքային տնտեսության կառավարման ոլորտում վերջին տարիների իրենց փորձը:
Քաղաքապետարանի մամուլի ծառայությունից NEWS.am-ին հայտնում են, որ Կարեն Կարապետյանն առանձնացրել է այն գերակայությունները, որոնք այսօր առաջնային են Երեւանի համար եւ ընդգծել, որ քաղաքապետարանը բաց է եւ պատրաստ ցանկացած առաջավոր փորձի փոխանակման առումով. «Արդյունավետ կառավարումը հաջողության հասնելու գրավականն է»,– նշել է Երեւանի քաղաքապետը։
Կողմերը կարծիքներ են փոխանակել երկկողմ հետաքրքրություն ներկայացնող մի շարք հարցերի շուրջ եւ պայմանավորվածություն են ձեռք բերել առաջիկայում կոնկրետ ծրագրեր քննարկել տարբեր ոլորտներում համագործակցության եւ փորձի փոխանակման ուղղությամբ։