Մինսկում իր աշխատանքներն է դադարեցրել ԵԱՀԿ գրասենյակը, հաղորդում է «ՌԻԱ նովոստին»:
Բելառուսի իշխանությունները հայտարարել են, որ երկարաձգել են Մինսկում ԵԱՀԿ գրասենյակի մանդատը, եւ այն պետք է դադարեցնի իր գործունեությունը 2010-ի դեկտեմբերի 31-ին: Այսօր` մարտի 31-ին ավարտվել է եռամսյա ժամկետը, որն անհրաժեշտ է առաքելության տեխնիկական փակման համար:
Բելառուսական կողմի նախորդ տարվա դեկտեմբերին արված հայտարարության համաձայն, ԵԱՀԿ գրասենյակի փակումը կապված է գործունեության անհրաժեշտության բացակայության հետ:
Բելառուսի ԱԳՆ մամուլի քարտուղար Անդրեյ Սավինիխը այդ որոշումը համարել է գիտակցված եւ պայմանավորված առաքելության Բելառուսում գործելու օբյեկտիվ հիմքերի բացակայությամբ:
Բելառուսի նախագահ Ալեքսանդր Լուկաշենկոն կտրուկ քննադատության է ենթարկել ԵԱՀԿ դիրքորոշումը, կապված դեկտեմբերի 19-ին այդ երկրում տեղի ունեցած նախագահական ընտրությունների հետ, որում հաղթել է Լուկաշենկոն:
ԵԱՀԿ-ն հայտարարել էր, որ հնարավորություն չի տեսնում դրական խոսք ասել Բելառուսում նախագահական ընտրությունների մասին եւ լրջորեն հիասթափված է ընտրությունների ժամանակ ձայների հաշվարկից:
