Վրաստանը ցանկանում է ԱՄՆ-ից ծանր պաշտպանողական զենք ձեռք բերել: Այս մասին The Cable-ին տված հարցազրույցում հայտարարել է Վրաստանի նախագահ Միխայիլ Սահակաշվիլին, գրում է վրացական «Մեդիանյուզ» գործակալությունը:
«Վրաստանին ԱՄՆ-ից իսկապես անհրաժեշտ է ձեռք բերել ծանր հակաօդային եւ հակատանկային զենք, որպեսզի հետագայում Ռուսաստանի հետ հակամատության ժամանակ կարողանա պաշտպանվել»,- ընդգծել է Սահակաշվիլին:
Նրա խոսքով, Թբիլիսիին անհրաժեշտ չեն փոքր տրամաչափի զենքեր, քանի որ դրանց ձեռք բերման համար Վրաստանն այլ ճանապարներ էլ ունի: «Վրաստանին անհրաժեշտ է այնպիսի զենք, որն ուրիշ տեղ հնարավոր չէ գտնել, եւ հենց այստեղ էլ պետք է համագործակցենք ԱՄՆ-ի հետ»,- ամփոփել է Վրաստանի նախագահը:
