McLaren-ը հրապարակել է տեղեկատվություն նոր ճանապարհային մոդել 620R-ի մասին, որը ստեղծվել է 570S GT4 բազայի վրա։ Մոդելը շատ բաներով կրկնում է մրցաշարային տեսակը, հայտնում է Motor-ը։

McLaren 620R-ն ունի նույն 3,8 լիտրանոց V8 շարժիչը, որն օգտագործում են GT4-ի կուպեում։ Այդպիսի շարժիչով սոպերքարը 3 վայրկյանից էլ քիչ ժամանակում մինչեւ «հարյուր» արագություն է բացում, 8,1 վայրկյանում՝ 200 կմ/ժ արագություն, իսկ դրա առավելագույն արագությունը կազմում է 322 կմ/ժ։

Ինչ վերաբերում է աերոդինամիկ տարրերին, ապա 620R-ն ունի կարգավորվող հետին հակաթեւ՝ ածխաջրածնային մանրաթելերից, որ փոխառնված են 570S GT4-ից։

Մոդելը կթողարկեն սահմանափակ խմբաքանակով՝ 350 օրինակ։ Դրանցից յուրաքանչյուրը կստանա հերթական համարով ցուցանակ։ Գնորդները կարող են ընտրել ավտոմեքենայի երեք գույն՝ McLaren Orange՝ սպիտակ մրցաշարային գծերով, Silica White կամ Onyx Black՝ նարնջագույն գծերով։

McLaren 620R-ի արժեքը 250 000 ֆունտ սթեռլինգ է։ Գնի մեջ մտնում է McLaren Track Day-ի վկայագիր եւ դաս մասնագետի հետ։