Armenian Genocide Community Task Force-ը կոչ է արել Հայավային Կալիֆորնիայի հայերին մասնակցել ԱՄՆ նախագահ Բարաք Օբամայի դեմ բողոքի գործողություններին:

Ակցիան կայանալու է ապրիլի 21-ին, տեղական ժամանակով ժամը 15-ին, Քալվեր-Սիթիում Sony կինոստուդիայի շենքի առջեւ, որտեղ կայանալու է Օբամայի հանգանակությունը:

«ԱՄՆ նախագահը կայցելի Լոս-Անջելես նախընտրական արշավի շրջանակներում ապրիլի 24-ից ընդամենը երեք օր առաջ: Նա պետք է լսի մեր համայնքի խորը հիասթափությունը, որ չի կատարել իր նախընտրական խոստումը` չճանաչելով Հայոց ցեղասպանությունը: Մենք պետք է հստակ եւ բարձր հասցնենք մեր ուղերձը նրան»,- ասված է հայտարարության մեջ:

Մենք կոչ ենք անում բոլոր հայերին միանալ մեզ եւ այնպես անել, որ մեր ձայնը լսելի լինի»,- ասված է  Armenian Genocide Community Task Force-ի աշխատանքային խմբի հայտարարության մեջ:

Նշենք, որ 2010 թվականի ապրիլի 24-ին ԱՄՆ նախագահ Բարաք Օբաման Հայոց ցեղասպանության զոհերի հիշատակի օրվան նվիրված հայտարարության մեջ ոչ մի անգամ չէր արտաբերել «ցեղասպանություն» բառը՝ խախտելով Ցեղասպանությունը ճանաչելու մասին իր նախընտրական խոստումը։

Վերջերս Օբաման հայտարարել էր, որ մտադիր է կրկին  առաջադրվել ԱՄՆ նախագահի պաշտոնում։