Հայաստանի պետական ֆիլհարմոնիկ նվագախումբը` գեղարվեստական ղեկավար Էդվարդ Թոփչյանի ղեկավարությամբ, այսօր` ապրիլի 15-ին հյուրընկալվել է Խ.Աբովյանի անվան հայկական պետական մանկավարժական համալասարանում:
Դասախոսների ու ուսանողների համար ֆիլհարմոնիկ նվագախումբը կատարել է Մոցարտի թիվ 40 Սիմֆոնիան: Համերգի ընթացքում երիտասարդ երգչուհի Հասմիկ Թորոսյանի կատարմամբ հնչել է նաեւ Մոցարտի «Ալելուա» ստեղծագործությունը:
Էդվարդ Թոփչյանը բուհի ռեկտոր Ռուբեն Միրզախանյանին խոստացել է դասական երաժշտության համերգները հայկական պետական մանկավարժական համալսարանում դարձնել ավանդական:
