Թուրքական «Hurriyet Daily News & Economic Review» ինտերնետային պարբերականը քարտեզ է տեղադրել, որի վրա Նախիջեւանը ներառված է Հայաստանի կազմում: Քարտեզը տեղադրված է «Տարածքների պատկերներ» բաժնում: Պարբերականը հիշյալ համարում հեղինակները ընդգծել են տարածաշրջանում հոսող գետերը: «Daily News»-ի այդ իննովացիոն բաժնում Նախիջեւանը կցված է Հայաստանին: 

Նշենք, որ ադրբեջանական լրատվամիջոցները բավական ցավագին են արձագանքել հրապարակմանը, եւ այն համարել սխալմունք: Բաքուն որոշել է բողոքով հանդես գալ «եղբայրական» Թուրքիայի լրատվամիջոցների դեմ, որոնք Ադրբեջանում «բարեկամական եւ ընկերական» լրատվամիջոցի համարում ունեն: Սակայն նման քայլի դիմելուց առաջ հարկ է, որ բողոքականները հիշեն հայտնի ասացվածքը. «Ասա, ով է ընկերդ, ասեմ` ով ես դու»: