Մալթայի հայ համայնքը հարգել է Հայոց ցեղասպանության զոհերի հիշատակը:
Ինչպես NEWS.am-ին հայտնել է Մալթայի հայ համայնքի մամուլի ծառայության ղեկավար Լիլիթ Դարբինյանը, համայնքի ներկայացուցիչները Ռուսաստանի դեսպանատան աշխատակիցների հետ միասին սգո հավաք են արել Վալլետայում գտնվող խաչքարի մոտ:
Մալթայում հայերի թիվը հասնում է մի քանի հազարի:
Հիշեցնենք նաեւ, որ Հայոց ցեղասպանության փաստը ճանաչվել է բազմաթիվ երկրների կողմից: Առաջինը 1965 թվականին դա արել է Ուրուգվայը, որի օրինակին հետեւել են Ռուսաստանը, Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, ԱՄՆ 42 նահանգներ: Հայոց ցեղասպանությունը ճանաչել է նաեւ Վատիկանը, Եվրախորհրդարանը եւ Եկեղեցիների համաշխարհային խորհուրդը:
