![](img/news/05/68/87/default.jpg)
Կանադայի Քեմբրիջ քաղաքի հայերը հարգել են Օսմանյան կայսրությունում Հայոց ցեղասպանության զոհերի հիշատակը:
Ինչպես հայտնում է CTV news-ը, ապրիլի 24-ին կայացած արարողությանը հայերը պատրաստակամություն են հայտնել շարունակել ջանքերը Ցեղասպանության ճանաչման ուղղությամբ: «Մենք պետք է հիշենք այդ իրադարձությունները, որ ապագայում չկրկնվեն հայերի կամ այլ ազգերի հետ»,- նշել են Կանադայի հայկական ազգային կոմիտեի ներկայացուցիչները:
Կանադայի վարչապետ Սթիվեն Հարփերը եւս հայտարարություն է արել Ցեղասպանության կապակցությամբ: «96 տարի առաջ հայ ժողովուրդը սարսափելի տառապանքներ եւ կորուստներ կրեց: Մենք երբեք չպետք է մոռանանք պատմության դասերը»,- հայտարարել է նա:
Նշենք, որ 2006թ. Կանադան պաշտոնապես ճանաչել է Հայոց ցեղասպանությունը: