Երեւան քաղաքի Կորյունի եւ Աբովյան փողոցների խաչմերուկում ապրիլի 24-ի առավոտյան տեղի է ունեցել ավտովթար:
Հայաստանի ԱԻՆ փրկարար ծառայությունից NEWS.am-ին հայտնում են, որ դեպքի վայր են մեկնել ճգնաժամային կառավարման կենտրոնի պարամեդիկ-փրկարարները:
Դեռեւս չպարզված հանգամանքներում բախվել են «Միցուբիշի Պաջերո» մակնիշի 50 ՕՕ 257 համարանիշի (վարորդ՝ 51-ամյա Վ. Մելքոնյան) եւ «Էրո+» տաքսի ծառայության «ՎԱԶ-2107» մակնիշի Տ 7398 համարանիշի ավտոմեքենաները, ինչի հետեւանքով Վ.Մելքոնյանը եւ տաքսու ուղեւոր 30-ամյա Հ. Վարդանյանը տեղափոխվել են Երեւան քաղաքի Մ.Հերացու անվան թիվ 1 համալսարանական կլինիկա, որտեղ ստանալով առաջին բուժօգնություն` դուրս են գրվել: