Երեւանում այսօր` ապրիլի 26-ին ժամը 16:30-ի սահմաններում Լենինգրադյան փողոցում միմյանց են բախվել «Օպել Վեկտրան» եւ «Նիսսանը»:

Ինչպես NEWS.am-ին հայտնում է ֆոտոլրագրող Գագիկ Շամշյանը, 50-ամյա Բագրատ Գեւորգյանի վարած «Օպել Վեկտրա» մակնիշի 02 ՏԼ 537 համարանիշի ավտոմեքենան բախվել է 47-ամյա Ռոման Հարությունյանի վարած «Նիսսան» մակնիշի Լ 2043 համարանիշի ավտոմեքենային:

Վթարի հետեւանքով, «Օպել Վեկտրայի» ուղեւոր, 83-ամյա Մարուսյա Գալստյանը (նա վարորդի զոքանչն է) մարմնական վնասվածքներով տեղափոխվել է «Արմենիա» բժշկական կենտրոն:

Դեպքի վայրում քննչական աշխատանքները ղեկավարել է ոստիկանության քննչական գլխավոր վարչության Երեւանի քննչական վարչության ճանապարհատրանսպորտային հանցագործությունների քննության բաժնի քննիչ Դավիթ Մարտիրոսյանը:

Լուսանկարները` Գագիկ Շամշյանի