Հայաստանում ՄԱԿ-ի մշտական ներկայացուցիչ Դաֆինա Գերչեւան հայտարարել է, թե Հայաստանի տնտեսությունը սփյուռքի օգնության կարիքն ունի, որպեսզի դուրս գա ցավոտ ռեցեսիայից, հաղորդում է «Glendale News-Press»-ը:
Պարբերականին տված հարցազրույցում Գերչեւան հայտարարել է, թե արտերկրում բնակվող 8 միլիոն հայերի աջակցությունը վճռորոշ նշանակություն ունի Հայաստանում տնտեսական զարգացման եւ ժողովրդավարական բարեփոխումների համար:
«Սփյուռքի ներկայացուցիչների մեծ մասը շատ ազդեցիկ մարդիկ են, որ անտարբեր չեն հայրենիքի նկատմամբ»,- ասել է Գերչեւան` նկատելով, որ սփյուռքի փորձը շատ կարեւոր է Հայաստանի համար:
Գերչեւան խոսել է երկրի տնտեսական իրավիճակի մասին եւ նշել, թե տնտեսությունը սկսել է վերականգնվել, արձանագրվել է 2,5 տոկոս աճ:
Հայաստանում ՄԱԿ-ի մշտական ներկայացուցիչը մայիսի 5-ին ելույթ կունենա Հայ-ամերիկյան առեւտրային պալատի կողմից կազմակերպված միջոցառմանը:
