Տարիներ են պահանջվել, որ ղարաբաղյան հակամարտության կարգավորման բանակցությունները բերվեն ներկա փուլին: Այդ մասին Բաքվում լրագրողների հետ հանդիպման ժամանակ հայտարարել է Ադրբեջանում ԱՄՆ-ի դեսպան Մեթյու Բրայզան` մեկնաբանելով բանակցային գործընթացի ներկա վիճակը եւ պատասխանելով միջնորդների աշխատանքի մասին հարցին:
«Վերջին տարիներին նախագահները, ԱԳ նախարարներն ու միջնորդները փորձել են արդարացի առաջարկներ նախապատրաստել կողմերի համար: Այդ առաջարկներում հաշվի են առնվել տարածքային ամբողջականությունն ու ժողովրդի ինքնորոշման իրավունքը: Ես շփվել եմ ամերիկացի համանախագահ Ռոբետ Բրադկեի հետ, ով նշել է, թե բանակցություններում առաջընթաց կա: Ես իմ կողմից կանեմ ամեն ինչ, որ նախագահները համաձայնության գան այդ կարեւոր հարցերում»,- ամերիկացի դիվանագետի խոսքն է մեջբերել 1news.az կայքը:
