Գարեգին Բ Կաթողիկոսն այսօր` մայիսի 5-ին հովվապետական այցով մեկնել է Հարավային Ամերիկա:
Մայր Աթոռից NEWS.am-ին հայտնում են, որ Գարեգին Բ-ն մայիսի 6-10-ին Հովվապետական այց կկատարի Բրազիլիայի հայոց թեմ, մայիսի 10-12-ին` Ուրուգվայի հայոց թեմ, մայիսի 12-21-ին` Արգենտինայի հայոց թեմ: Մայիսի 21-25-ին նա կայցելի նաեւ Չիլիի եւ Վենեսուելայի հայկական համայնքները:
Այս այցելությունների ընթացքում Գարեգին Բ-ին ուղեկցում են ԱՄՆ Արեւմտյան հայոց թեմի առաջնորդ Տ. Հովնան արքեպիսկոպոս Տերտերյանը, Մայր Աթոռի Վանորեից տեսուչ Տ. Արտակ եպիսկոպոս Տիգրանյանը, գավազանակիր Տ. Անանիա աբեղա Ծատուրյանը, Կաթողիկոսական գրասենյակի քարտուղար Տ. Ադամ քահանա Մակարյանը եւ Մայր Աթոռի բարերար Ջեյմս Գալուստյանը:
