Մայր Աթոռ Սուրբ Էջմիածնի հրատարակչությունը ամենայն հայոց կաթողիկոս գարեգին Բ-ի օրհնությամբ նոր աշխատություններ է լույս ընծայել:
Մայր Աթոռի տեղեկատվական կենտրոնից NEWS.am-ին հայտնում են, որ հրատարակվել են Արշակ Մադոյանի «Գէորգ Զ Չորէքչեան Կաթողիկոս Ամենայն Հայոց», Իլարիոն արքեպիսկոպոս Տրոիցկու «Քրիստոնեություն չկա առանց Եկեղեցու»` թարգմանությամբ Տ. Վահրամ քահանա Մելիքյանի, Էմմանուել քահանա Նազարյանի «Պարզ քարոզները» գրքերը, ինչպես նաեւ վերահրատարակել է Կարապետ ծայրագույն վարդապետ Տեր-Մկրտչյանի «Հայոց եկեղեցու պատմության» Ա մասը:
Արշակ Մադոյանի «Գէորգ Զ Չորէքչեան Կաթողիկոս Ամենայն Հայոց» գիրքը նվիրված է լուսահոգի Գեւորգ Հայրապետի կյանին ու գործունեությանը:
Նշանավոր հայագետ Կարապետ ծայրագույն վարդապետ Տեր-Մկրտչյանի «Հայոց Եկեղեցւոյ պատմութիւն» ուսումնական ձեռնարկի Ա մասն ընդգրկում է քրիստոնության ծագումից մինչեւ 6-րդ դարի կեսերն ընկած ժամանակաշրջանի հայոց եկեղեցու եւ նրա հետ աղերսվող քաղաքական պատմության ամփոփ նկարագիրը:
Բոլոր այս գրքերը հրատարակվել են «Սարգիս Գաբրիելյան» հիմնադրամի մեկենասությամբ:
