Մոսկվայում մահացել է հայտնի մարզական մեկնաբան Գեորգի Սարկիսյանցը: Նա 78 տարեկան էր: Սարկիսյանցը մահացել է երկարատեւ հիվանդությունից հետո, Բոտկինսկի հիվանդանոցում:
Գեորգի Սարկիսյանցը սովորել է Մոսկվայի միջազգային հարաբերությունների պետական ինստիտուտում, 1954-ին տեղափոխվել է Լենինգրադի պետական համալսարանի բանասիրական ֆակուլտետի լրագրության բաժին:
1959 թվականից Սարկիսյանցը աշխատել է ԽՍՀՄ Պետական հեռուստատեսությունում եւ ռադիոյում: Մասնակցել է բազմաթիվ Օլիմպիական խաղերի, աշխարհի ու Եվրոպայի առաջնությունների լուսաբանմանը: Սարկիսյանցն առաջին մարզական մեկնաբանն է, որ ստացել է Ռուսաստանի մշակույթի վաստակավոր աշխատակցի կոչում: