Հայաստանի ԱԳ նախարար Էդվարդ Նալբանդյանը Հաղթանակի օրվան ընդառաջ ելույթ է ունեցել Հայաստանում Ռուսաստանի դեսպանատանը։
«Հայրենական Մեծ պատերազմում տարած հաղթանակը նախկին ԽՍՀՄ-ի բոլոր ժողովուրդների եւ հակահիտլերյան կոալիցիայի ընդհանուր ձեռքբերումն է»,- հայտարարել է Նալբանդյանը։
«Մայիսի 9-ը մեր ընդհանուր տոնն է, մեր ընդհանուր հիշողության օրն այն մասին, թե ինչպես ենք միասին մարտնչել, միասին աշխատել, միասին հասել Հաղթանակի»,- նշել է նա։
Հայրենական Մեծ պատերազմում տարած հաղթանակի 66-ամյակի տոնակատարությունները Հայաստանում Ռուսաստանի դեսպանատանը տեղի են ունեցել մայիսի 6-ին։
Ընդունելությանը հրավիրվել են Հայաստանի ղեկավարությունը, պատերազմի վետերաններ, հասարակական եւ քաղաքական գործիչներ, մշակույթի եւ գործարար շրջանակների ներկայացուցիչներ։
