Երեւանում այսօր` մայիսի 11-ին մեկնարկել է Հայաստանի եւ Գերմանիայի ԱԳՆ-ների միջեւ խորհդատվությունները, որին մասնակցելու համար Երեւան է ժամանել Գերմանիայի ԱԳՆ Արեւելյան Եվրոպայի, կովկասյան տարածաշրջանի եւ Կենտրոնական Ասիայի հարցերով հատուկ ներկայացուցիչ դեսպան Պատրիցիա Ֆլորին:
ԱԳՆ մամուլի ծառայությունից NEWS.am-ին հայտնում են, որ ԱԳ նախարար Էդվարդ Նալբանդյանը, նրա հետ հանդիպման ժամանակ բարձր է գնահատել Հայաստանի եւ Գերմանիայի միջեւ ձեւավորված համագործակցությունը, թե երկկողմ, թե բազմակողմ ձեւաչափերով, պարբերական քաղաքական երկխոսությունը եւ առկա է հարաբերությունների հետագա ընդլայնման երկուստեք ձգտում:
Դեսպան Ֆլորը նշել է, որ Գերմանիան շարունակելու է Հայաստանի հետ հարաբերությունների զարգացմանն ուղղված քայլերը եւ այսօր մեկնարկած ԱԳՆ-երի միջեւ խորհրդատվությունները հենց այդ նպատակին են ուղղված:
Հանդիպման ընթացքում զրուցակիցները քննարկել են հայ-գերմանական հարաբերություններին առնչվող հարցերի լայն շրջանակ, Հայաստան-ԵՄ համագործակցությունը եւ Ասոցացման Համաձայնագրի շուրջ ընթացող բանակցությունները:
Դեսպան Ֆլորի խնդրանքով նախարար Նալբանդյանը ներկայացրել է արցախյան հիմնախնդրի կարգավորման վերջին զարգացումները: