Հայ սպառողների համար գազի գինը չի բարձրանա: Այդ մասին այսօր` մայիսի 11-ին, լրագրողների հետ զրույցում հայտնել է Հայաստանի վարչապետ Տիգրան Սարգսյանը` հիշեցնելով, որ նախագահ Սերժ Սարգսյանն արդեն համապատասխան քաղաքական հայտարարություն արել է:
Ավելին, ըստ վարչապետի, սոցիալապես խոցելի շերտերի համար գազի գնի հարցում որոշակի արտոնություններ են արվելու: Նա դժվարացել է ասել` կաճի՞ արդյոք ռուսական գազի գինը Հայաստանի համար, ընդգծելով, որ ներկայումս այդ ուղղությամբ բանակցություններ են ընթանում:
Բանակցությունների ավարտի ժամկետի մասին հարցին վարչապետը չի պատասխանել:
