Հայաստանի առաջին նախագահ Լեւոն Տեր-Պետրոսյանը մայիսի 11-ին հանդիպել է Գերմանիայի ԱԳՆ Արեւելյան Եվրոպայի, կովկասյան տարածաշրջանի եւ Կենտրոնական Ասիայի հարցերով հատուկ ներկայացուցիչ, դեսպան Պատրիցիա Ֆլորի հետ:
Հանդիպման ընթացքում քննարկվել են Հայաստանի ներքին քաղաքական վերջին զարգացումները, սոցիալ-տնտեսական վիճակի բարելավման եւ կոռուպցիայի հաղթահարման ճանապարհները, ինչպես նաեւ Հայաստանում արմատական քաղաքական փոփոխությունների անհրաժեշտության հարցը:
Անդրադարձ է եղել Լեռնային Ղարաբաղի հակամարտության կարգավորման հեռանկարներին:
Հանդիպմանը ներկա են եղել Հայաստանում Գերմանիայի արտակարգ եւ լիազոր դեսպան Հանս-Յոխեն Շմիդտը, Հայ Ազգային Կոնգրեսի կենտրոնական գրասենյակի ներկայացուցիչներ Լեւոն Զուրաբյանը, Դավիթ, Շահնազարյանը եւ Ավետիս Ավագյանը:
