Չեխիան հետեւում է ԼՂ հակամարտության խաղաղ լուծման գործընթացի հետ կապված իրադարձությունների զարգացմանը, թեեւ ուղիղ կերպով ներգրավված չէ այդ գործընթացում։ Ադրբեջանական Trend գործակալությանն այս մասին ասել է Չեխիայի Հանրապետության նախագահ Վացլավ Կլաուսը, ով մայիսի 16-19-ին պետական այցով կմեկնի Բաքու։
«Կարծում եմ՝ Ղարաբաղի խնդիրը պետք է լուծել տարածաշրջանում, ոչ թե արտաքին խաղացողների մասնակցությամբ։ Այդ պատճառով մենք ողջունում ենք Հայաստանի եւ Ադրբեջանի նախագահների ուղիղ բանակցությունները, որոնք շարունակվում են 2008 թվականից։ Այլ ճանապարհ, որը կբերի խնդրի լուծման, չկա»,- ասել է նա։
