Երեւանում այսօր` մայիսի 17-ին տեղի է ունեցել «1988-1992թթ. ընթացքում բռնագաղթած եւ Հայաստանում բնակություն հաստատած անձանց բնակարանային ապահովության մասինե միջազգային համաժողովը, որին մասնակցել է վարչապետ Տիգրան Սարգսյանը, ՄԱԿ-ի փախստականների հարցերով հանձնակատար Անտոնիո Գուտերեսը, ՀՀ Կառավարության եւ Հայաստանում հավատարմագրված դիվանագիտական առաքելութունների ներկայացուցիչներ:
Երեւանում Բրազիլիայի դեսպանատնից NEWS.am-ին հայտնում են, որ Բրազիլիայի կառավարությունն իր դեսպանության միջոցով ՄԱԿ-ի փախստականների հարցերով հանձնակատարի գրասենյակին (UNHCR) է նվիրաբերել 50 հազար դոլար ԼՂ հակամարտության արդյունքում իրենց բնակավայրերից տեղահանված ընտանիքներին բնակարանով ապահովելու համար: Հատկանշական է, որ Բրազիլիան միակ պետությունն էր, որը նվիրատվություն է կատարել համաժողովի թեմայի շրջանակներում: