Ռուսական լրատվամիջոցները ճիշտ չեն ներկայացրել հայերի եւ ադրբեջանցիների մասնակցությամբ Մոսկվայի սրճարաններից մեկում ծեծկռտուքի մանրամասները: NEWS.am-ի թղթակցի հետ հարցազրույցում այս մասին տեղեկացրեց Ռուսաստանի հայերի միության փոխնախագահ Լեւոն Մանուկյանը` նշելով, որ իրականում հայերը, ադրբեջանցիները եւ ազգությամբ ռուսներ փորձել են թույլ չտալ հյուսկովկասցի եւ դաղստանցի մի քանի երիտասարդների` ծեծել մատուցողին:
Ըստ Մանուկյանի` միջադեպը տեղի է ունեցել կենցաղային հողի վրա: Անսթափ վիճակում գտնվող հյուսկովկասցի երիտասարդներ, մոսկովյան մի սրճարանում ծեծել են սրճարանի մատուցողին եւ խոհարարին:
Մի քանի երիտասարդ հայեր, ադրբեջանցիներ եւ ռուսներ փորձել են նրանց պաշտպանել: «Այսինքն` միջադեպը ոչ թե ազգային, այլ կենցաղային պատճառներ ունի, սակայն, ամեն դեպքում իրականությունը կպարզվի քննությունից հետո»,- ասաց ՌՀՄ փոխնախագահը: