Վայոց Ձորի մարզում մայիսի 21-ին, մահվան ելքով ավտովթար է տեղի ունեցել: Ինչպես NEWS.am-ինհաղորդում է ֆոտոլրագրող Գագիկ Շամշյանը, ժամը 22.00-ի սահմաններում «Վայքի բուժմիավորում» ՓԲԸ-ից ոստիկանության Վայքի բաժին հայտնել են, որ իրենց մոտ են տեղափոխվել Երևան քաղաքի բնակիչ, 1943 թվականի ծնված Մելանյա Պողոսյանը` մարմնական վնասվածքներով եւ 1950 թվականի ծնված Մարտին Չրիկյանը` մահացած վիճակում:
Հիվանդանոց են մեկնել ոստիկանության Վայոց Ձորի մարզային վարչության և Վայքի ոստիկանության աշխատակիցները` օպերատիվ-քննչական խմբով:
Պարզվել է, որ նույն օրը` ժամը 21.00-ի սահմաններում, Երևան-Մեղրի ավտոճանապարհի 143 կմ-ում 1976 թվականին ծնված, «Միրաժ» ՍՊԸ-ի գլխավոր հաշվապահ Սարգիս Չրիկյանը, վարելով ՎԱԶ 21213 մակնիշի 68 ՏՏ 954 համարանիշի ավտոմեքենան, դուրս է եկել հանդիպակաց երթեւեկելի գոտի եւ ընկել ճամփեզրի ձորակը, ինչի հետեւանքով Մարտին Չրիկյանը մահացել է, իսկ Մելանյա Պողոսյանը` ստացել մարմնական վնասվածքներ:
Ոստիկանության քննչական գլխավոր վարչության Վայոց Ձորի քննչական բաժնում նյութեր են նախապատրաստվում:
Լուսանկարները եւ տեսանյութը՝ Գագիկ Շամշյանի